Naia Zurriaran euskal preso politiko iazko apirilean atxilotu zuten Bilboko Elkano kaleko abokatuen bulegoan, Guardia Zibilak burutu zuen polizia operazio batean. Bost egun inkomunikaturik izan zuten, eta tortura larriak salatu zituen epailearen aurrean.
Gaur geldituko da aske 60.000 euroko bermea ordainduta. Une honetan Grandako espetxean aurkitzen da preso etxetik ehunaka kilometrotara.
Aitor Fernandez eta Unai Mallabia 2003ko ekainaren 17an atxilotu zituen Ertzaintzak Bilbo inguruan buruturiko operazio batean, eta kale erasoetan parte hartzea egotzita zigortu zituzten. Aitorrek kondena beteta atera zen atzo, eta Unairi bederatzi egun falta zaizkio kondena betetzeko, baina bere kasua konstituzionalean errekurritua zegoen eta honek agindu du ebazpena eman arte kondena momentuz suspentsioan gelditzen dela, noiz eta bederatzi egun falta zaizkionean.
Aitor Almeriako espetxetik atera zen eta Unai berriz Puerto I espetxetik.