Primeira Linha – Pouco depois das 18.30 horas, saía em liberdade da esquadra policial de Compostela José Miguel Cuba. Tal como já informamos, o membro da Direcçom Nacional de AGIR tinha sido requerido pola polícia espanhola a acudir ao quartel das forças de ocupaçom para declarar sobre os sucessos da greve geral de 29 de Setembro.
Às 16 horas, entrou nas instalaçons e após negar-se a declarar foi detido acusado de nom colaborar com a «investigaçom».
Os sucesso está vinculado com a sua identificaçom a 29 de Setembro, quando participava no piquete da CIG que percorria o Ensanche compostelano. Um automóvel tentou atropelar as pessoas que perante a carga policial contra o piquete na praça de Vigo cortavam o trânsito entre as ruas Santiago de Chile e República Argentina. @s manifestantes impedírom que se consumasse a agressom e a polícia identificou três companheiros por estes factos.
A detençom hoje de Miguel foi completamente arbitrária e ilegal e deve enquadrar-se na atmosfera de intoxicaçom e criminalizaçom que os meios de comunicaçom burgueses levam semanas realizando contra a esquerda independentista galega.
Concentraçom solidária
Várias dúzias de pesoas secundárom a concentraçom que AGIR convocou às 20.30 na praça do Pam para solicitar a liberdade de Miguel e denunciar a repressom policial.
«Nom à Compostela policial!», «Liberdade de expressom», «Esta é a sua democracia», «Nom à repressom» fôrom algumhas das palavras de ordem lançadas durante a concentraçom onde Eva Cortinhas, em nome da direcçom da organizaçom estudantil do MLNG, agradeceu o apoio a Miguel e denunciou o estado de excepçom permanente que padece a capital da Galiza por parte das forças policiais espanholas.
Polícia espanhola detém dous independentistas galegos em Compostela e Narom
|
  NÓS-UP – Na tarde de hoje, era detido José Miguel Cuba, membro da Direcçom Nacional de AGIR, polas forças de ocupaçom em Compostela.
Após ser requerido pola polícia espanhola par que acudisse na tarde de hoje à esquadra polícial para tomar-lhe declaraçom por uns supostos factos acontecidos durante o desenvolvimento da Greve Geral do dia 29, quando tanto José Miguel como outros membros do piquete da CIG eram identificados pola polícia espanhola, José Miguel apresentou-se acompanhado de várias companheir@s. Após acolher-se ao seu direito a nom declarar, comunicou-se-lhe que estava detido por nom colaborar e que dele dependia sair em liberdade hoje ou nom.
Nom descartamos que nos próximos dias haja mais detidos relacionados com este mesmo assunto.
A organizaçom estudantil AGIR convoca umha concentraçom em solidariedade para esta tarde às 20.30 na Praça do Pam.
Por outra parte, este meio-dia também era detido o militante independentista Daniel Lourenço por membros da polícia judicial, na sua morada em Narom. Neste caso, a desproporcionada detençom, que noutros casos fica na entrega dumha notificaçom, substituiu o que deveria ter sido um simples requerimento de pagamento dumha multa em relaçom com umha mobilizaçom popular. Espera-se que amanhá seja posto a disposiçom judicial e posteriormente fique em liberdade.
|
